ციფრული ლექსიკონი
Ad/Advertisement
კომერციული მესიჯი, რომელიც მიმართულია განმთავსებელთა სამიზნე მომხმარებლებისკენ.
Address
კომპიუტერის ან ონლაინ საიტის უნიკალური იდენტიფიკატორი, ხშირად ვებგვერდის მისამართი ან @ ნიშნით აღნიშნული ელფოსტის მისამართი. პირდაპირი გაგებით, ეს არის საშუალება, რომლის გამოყენებითაც ერთი კომპიუტერი პოულობს მეორე კომპიუტერის ადგილმდებარეობას ინტერნეტის საშუალებით.
Advertiser
კომპანია, რომელიც ფულს იხდის რეკლამისთვის.
Advertising Revenue
შემოსავალი, რომელიც მიიღება რეკლამის გაყიდვიდან. იხ. Interactive Advertising Revenue- ინტერაქციული რეკლამის შემოსავალი.
Affiliate Marketing
შეთანხმება ორ ვებგვერდს შორის, რომლის ფარგლებშიც ერთი საიტი (შვილობილი) თანახმაა, განათავსოს კონტენტი ან რეკლამა სხვა საიტზე, მნახველების მოზიდვის მიზნით. სანაცვლოდ, შვილობილი საიტი იღებს წილს გაყიდვებიდან ან სხვა სახის წილს გაწეული მომსახურებისთვის.
Alternative Text
სიტყვა ან ფრაზა, რომელიც მომხმარებელს საკუთარ ბრაუზერზე მაშინ გამოესახება, როდესაც ფოტოს ჩამოტვირთვის ფუნქცია გამორთული აქვს, ან როდესაც გვერდს ტოვებს „სტოპ“ ღილაკზე თითის დაჭერით მანამ, სანამ ყველა ფოტო ჩამოიტვირთება. ასევე, ჩნდება, როგორც ტექსტი, როდესაც მომხმარებელი მაუსს ფოტოგამოსახულებაზე აჩერებს.
ANA (Association of NationalAdvertisers)
პროფესიული ასოციაცია, რომელიც ემსახურება რეკლამის განმთავსებლებისა და მარკეტინგის სპეციალისტების საჭიროებებს, რისთვისაც უზიარებს მათ სარეკლამო და მარკეტინგულ გამოცდილებასა და ტენდენციებს და საუკეთესო პრაქტიკებს. დამატებითი ინფორმაციისთვის იხ. ვებგვერდი: www.ana.net
Animated Advertisement
რეკლამა, რომელიც დროთა განმავლობაში იცვლება. მაგალითად, ანიმაციური რეკლამა არის Java აპლეტი ან Shockwave ან GIF89a ფაილი.
Animated GIF
ანიმაცია, რომელიც შექმნილია რამდენიმე GIF გამოსახულების ერთ ფაილში გაერთიანებით. შედეგად, მიიღება რამდენიმე გამოსახულება, რომლებიც გამოისახება ერთმანეთის თანმიმდევრობით, რაც ქმნის მოძრაობის შეგრძნებას.
Anonymizer
დამხმარე ხელსაწყო, რომელიც ვებგვერდს საშუალებას არ აძლევს, დაინახოს მომხმარებლის ინტერნეტპროტოკოლის (IP) მისამართი.
Applet
პატარა ზომის პროგრამული აპლიკაცია, რომელსაც ბრაუზერი ყველაზე ხშირად იყენებს ანიმაციური კონტენტის დაუყოვნებლივ გამოსახვის და/ან მონაცემთა ბაზის კვლევების ჩასატარებლად, რასაც მომხმარებელი ითხოვს.
Applicable Brower
ნებისმიერი ბრაუზერი, რომელზეც რეკლამა გამოჩნდება, მიუხედავად იმისა, გაეშვება თუ არა ის.
ARF (Advertising ResearchFoundation)
არასავაჭრო პროფესიული ასოციაცია, რომლის მისიაცაა ბიზნესის მოგების ხელშეწყობა ეფექტური კვლევების გზით. დამატებითი ინფორმაციისთვის იხ. ვებგვერდი: www.arfsite.org
Artifacting
დარღვევა, რომელიც გამოწვეულია აუდიო ან ვიდეომასალაში კომპრესიული ალგორითმის შესვლით (კოდეკი). გამოსახულებებს შესაძლოა, ჰქონდეს დაზიანებული პიქსელები (ხშირად თეთრი წერტილების სახით), რომლებიც არ არსებობდა ორიგინალ გამოსახულებაში. იხ. კოდეკი.
Aspect Ratio
სურათის ჩარჩოს სიგანისა და სიმაღლის თანაფარდობა. სატელევიზიო მაუწყებლობა მიმდინარეობს 4:3 (1.33:1) ასპექტის თანაფარდობით; ციფრული ტელევიზიის მაუწყებლობა ხდება 16:9 (1.78:1) თანაფარდობით; ფილმების დიდი ნაწილი გადაღებულია, სულ მცირე, 1.85:1 თანაფარდობით. IMU ასპექტის თანაფარდობა არის 6:5 (330*250; 336*280; და 180*150).
Audit
მესამე მხარის აქტივობის ვალიდაცია და/ან ინტერნეტაქტივობასთან/რეკლამასთან დაკავშირებული პროცესების გაზომვა. აქტივობის აუდიტით დაანგარიშდება აქტივობები, პროცესის აუდიტით კი აქტივობების დაანგარიშების შიდა კონტროლი ხორციელდება.
Auditor
მესამე მხარის დამოუკიდებელი ორგანიზაცია, რომელიც აუდიტს ახორციელებს.
Backbone
ცენტრალური ქსელი, რომელიც ერთმანეთთან აკავშირებს სხვა ქსელებს.
Bandwidth
1) საკომუნიკაციო ხაზის ან სისტემის გადაცემის სიხშირე, რომელიც გამოისახება წამში გატარებული ციკლის/ჰერცის სახით, ან ბიტებისა და კილობიტის სახით ციფრული სისტემის შემთხვევაში; 2) ხაზის სიჩქარე; 3) ინფორმაციის მოცულობა, რომელიც შეიძლება გადაიცეს საკომუნიკაციო ხაზების მეშვეობით კონკრეტული დროის მონაკვეთში.
Bandwidth Competition
მოკლე შეფერხება, როდესაც ორი ან მეტი ფაილი ერთდროულად გადაეცემა ერთი სასიგნალო ხაზის მეშვეობით. თუ სისტემას არ შეუძლია ფაილებს შორის პრიორიტეტების განსაზღვრა, მაშინ ფაილების გადაცემა ნელდება.
